Cwestiynau Llafar a gyflwynwyd ar 31/10/2019 i'w hateb ar 05/11/2019
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Prif Weinidog
Pa asesiad y mae'r Prif Weinidog wedi'i wneud o adroddiad y Comisiwn ar Gyfiawnder yng Nghymru a gyhoeddwyd y mis diwethaf?
Pa drafodaethau y mae'r Prif Weinidog wedi'u cael gyda'r Gweinidog Iechyd a Gofal Cymdeithasol ynghylch gwella'r cymorth i'r rhai sy'n dioddef profedigaeth ar ôl hunanladdiad yng Nghymru ?
Pa strategaeth y bydd Llywodraeth Cymru yn ei dilyn i gefnogi'r economi yng Nghymru?
A wnaiff y Prif Weinidog ddatganiad am y camau a gymerwyd gan Lywodraeth Cymru i wella gwasanaethau iechyd meddwl i bobl ifanc?
Pa gamau y mae Llywodraeth Cymru yn eu cymryd i wella mynediad cleifion at ofal iechyd yng Ngorllewin De Cymru?
Pa drafodaethau y mae Llywodraeth Cymru wedi'u cael ynghylch gweithredu'r Gronfa Ffyniant Gyffredin arfaethedig?
A wnaiff y Prif Weinidog ddatganiad am gefnogaeth Llywodraeth Cymru i addysg cyfrwng Cymraeg yng Nghanolbarth a Gorllewin Cymru?
A wnaiff y Prif Weinidog ddatganiad am ddarparu tai cymdeithasol yng Ngorllewin De Cymru?
Pa ganllawiau y mae Llywodraeth Cymru wedi'u cyhoeddi ynghylch cyflogau'r sector cyhoeddus yng Nghymru?
A wnaiff y Prif Weinidog ddatganiad am effaith y gostyngiad yn y grant bloc ers 2010?
A wnaiff y Prif Weinidog ddatganiad am ganlyniadau arholiadau ysgolion yng Nghymru?
Beth y gall Llywodraeth Cymru ei wneud i ddiogelu'r cyflenwad o feddyginiaethau generig ar gyfer GIG Cymru yng ngoleuni trafodaethau masnach diweddar Llywodraeth y DU?