Cwestiynau Llafar a gyflwynwyd ar 25/04/2019 i'w hateb ar 30/04/2019
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Prif Weinidog
Pa gamau y mae'r Prif Weinidog yn eu cymryd i warchod yr amgylchedd naturiol yng Nghymoedd y De?
A wnaiff y Prif Weinidog amlinellu sut y mae Llywodraeth Cymru yn cefnogi awdurdodau lleol i ddarparu gwasanaethau hamdden?
Pa strategaeth y bydd Llywodraeth Cymru yn ei dilyn i gryfhau ac atgyfnerthu ei hymrwymiad i fynd i'r afael â newid hinsawdd?
Pa gamau y mae Llywodraeth Cymru yn eu cymryd i wella'r rhwydwaith trafnidiaeth ffyrdd?
Beth y gall Llywodraeth Cymru ei wneud i atal y DU rhag arwain yr Undeb Ewropeaidd o ran darparu cymorthdaliadau i danwyddau ffosil?
A wnaiff y Prif Weinidog ddatganiad am gynlluniau Llywodraeth Cymru i wella'r rhwydwaith ffyrdd strategol yng nghanolbarth Cymru?
A wnaiff y Prif Weinidog roi'r wybodaeth ddiweddaraf am gynnydd y Bil Anifeiliaid Gwyllt mewn Syrcasau Teithiol (Cymru)?
A wnaiff y Prif Weinidog roi'r wybodaeth ddiweddaraf am y gwaith y mae Llywodraeth Cymru yn ei wneud i ddatblygu polisïau yn unol â Deddf Llesiant Cenedlaethau'r Dyfodol (Cymru) 2015?
Sut y mae Llywodraeth Cymru yn ymateb i'r argyfwng o ran yr hinsawdd?
A wnaiff y Prif Weinidog ddatganiad am ddefnyddio pwerau treth incwm newydd Llywodraeth Cymru?
A wnaiff y Prif Weinidog ddatganiad am y trafodaethau y mae wedi'u cael gyda TATA ynghylch dyfodol y diwydiant dur yng Nghymru?
A wnaiff y Prif Weinidog ddatganiad am gynnydd Tasglu'r Cymoedd?