Cwestiynau Llafar a gyflwynwyd ar 25/04/2018 i'w hateb ar 02/05/2018
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros yr Economi a Thrafnidiaeth
Pa gamau pellach y bydd Llywodraeth Cymru'n eu cymryd i wella diogelwch ar y ffyrdd yng Nghymru?
A wnaiff Ysgrifennydd y Cabinet ddatganiad am rôl y bartneriaeth i gyflenwi'r metro yn y broses o sicrhau trafnidiaeth integredig ar gyfer Caerdydd?
Pa gynlluniau sydd gan Ysgrifennydd y Cabinet i ddatblygu trafnidiaeth integredig yng Nghaerdydd?
A wnaiff Ysgrifennydd y Cabinet amlinellu'r cymorth sydd ar gael i fusnesau yng nghanolbarth Cymru i ehangu eu gweithrediadau?
Pa drafodaethau y mae Ysgrifennydd y Cabinet wedi'u cynnal ynghylch bargen ddinesig rhanbarth Bae Abertawe?
Beth y mae Llywodraeth Cymru'n ei wneud i hyrwyddo ei chynllun gweithredu economaidd ymhlith y gymuned fusnes?
A wnaiff Ysgrifennydd y Cabinet roi'r wybodaeth ddiweddaraf am fetro gogledd Cymru?
A wnaiff Ysgrifennydd y Cabinet ddatganiad am waith cynllunio ar gyfer camau nesaf metro de Cymru?
A wnaiff Ysgrifennydd y Cabinet ddatganiad am ddatblygu economi Dwyrain Abertawe?
Beth yw blaenoriaethau Ysgrifennydd y Cabinet ar gyfer gwella gwasanaethau rheilffyrdd yng Nghwm Cynon?
A wnaiff Ysgrifennydd y Cabinet ddatganiad am gymorth ar gyfer y sector gweithgynhyrchu ym Merthyr Tudful a Rhymni?
Pa gymorth y mae Llywodraeth Cymru wedi'i ddarparu ar gyfer busnesau a thrigolion y mae gwaith ffordd i liniaru mannau cyfyng yng Nghaerffili yn effeithio arnynt?
A wnaiff Ysgrifennydd y Cabinet ddatganiad am ddiogelwch ar y ffyrdd yng Ngorllewin Clwyd?
Pa gamau y bydd Llywodraeth Cymru'n eu cymryd i dyfu sector twristiaeth yr economi dros y 12 mis nesaf?
Pa asesiad a wnaeth Ysgrifennydd y Cabinet o sut y bydd y llwybr coch arfaethedig drwy Sir y Fflint yn integreiddio'r rhwydwaith trafnidiaeth ehangach cyn penderfynu ar y llwybr a ffefrir?
Cwnsler Cyffredinol
A wnaiff y Cwnsler Cyffredinol ddatganiad am waith y Comisiwn ar Gyfiawnder yng Nghymru?
Pa gyngor y mae'r Cwnsler Cyffredinol wedi'i ddarparu i Lywodraeth Cymru ar y sail gyfreithiol ar gyfer y cytundeb rhwng Llywodraeth Cymru a Llywodraeth y DU ar Fil yr Undeb Ewropeaidd (Ymadael)?
Pa sylwadau cyfreithiol y mae'r Cwnsler Cyffredinol wedi'u cyflwyno mewn perthynas ag apeliadau yn erbyn penderfyniad Arolygiaeth Gofal Cymru i dynnu statws cofrestredig yn ôl o feithrinfeydd a chanolfannau gofal plant?
Pa gyngor cyfreithiol y mae'r Cwnsler Cyffredinol wedi'i roi i Lywodraeth Cymru ynglyn â'r ddadl ar adroddiad ymchwiliad yr Ysgrifennydd Parhaol a gynhaliwyd ddydd Mercher 18 Ebrill 2018?
Pa drafodaethau y mae'r Cwnsler Cyffredinol wedi'u cael gyda swyddogion y gyfraith Llywodraeth y DU a Llywodraaeth yr Alban ar ôl cyfeirio'r Bil Cyfraith sy'n Deillio o'r Undeb Ewropeaidd (Cymru) at y Goruchaf Lys?
Pa asesiad y mae'r Cwnsler Cyffredinol wedi'i wneud o'r potensial ar gyfer hawl ddigolledu gyfreithiol o dan Gonfensiwn Sewel?
Pa asesiad y mae'r Cwnsler Cyffredinol wedi'i wneud o'r rhwystrau cyfreithiol sy'n atal Llywodraeth Cymru rhag ceisio datganoli pwerau deddfwriaethol sy'n ymwneud â lles a diogelwch cymdeithasol?
Pa asesiad y mae'r Cwnsler Cyffredinol wedi'i wneud o sut y gellir defnyddio technoleg i wneud cyfreithiau gwell?